ПАДЗЕЯ ДНЯ: Анлайн-сустрэча з Аленай Маркавай: «Дзве хвалі беларусізацыі: мова, дзяржава і ідэнтычнасць»

26 траўня віртуальная кавярня ЗНО запрашае на анлайн-сустрэчу з гісторыкам Аленай Маркавай. Гаворка пойдзе пра хвалі нацыянальнай палітыкі, асаблівасці беларусізацыі і яе вынікі.

---

Дата: 26 траўня

Час: 19:00 (час мінскі)

Месца: Zoom

Першая хваля беларусізацыі адбывалася на працягу 1924–1929 гг. у міжваеннай БССР, другая хваля — пачалася пасля абвяшчэння незалежнасці Беларусі і прыняцця закона аб беларускай як адзінай дзяржаўнай мове ў студзені 1990 г. і скончылася разам з рэферэндумам 14 мая 1995 г., калі другое месца дзяржаўнай мовы зноў заняла мова руская.

На лекцыі закрануцца пытанні прасоўвання беларускай мовы, а таксама звязаныя з гэтым працэсы фармавання нацыянальнай ідэнтычнасці і сучаснай беларускай нацыі.

Ці можна паставіць знак роўнасці паміж мовай і нацыяй, мовай і ідэнтычнасцю? Чым увогуле з’яўляецца мова для нацыі? Ці трэба нацыянальная мова для сучаснай дзяржавы?

Алена Маркава, Ph.D. (доктар гісторыі) — даследчыца найноўшай беларускай гісторыі, выкладчыца Карлава ўніверсітэта ў Празе.

Рэгістрацыя па спасылцы.

Трансляцыя гутаркі будзе весціся таксама на ютуб-канале Беларускага Калегіюма.