«Небяспечная спадчына»: анлайн-сустрэча з Верай Дзядок

Пачатак: 28.04 (18:00)
Канец: 28.04 (19:30)
анлайн

28 красавіка адбудзецца чацвёртая анлайн-сустрэча з цыклу «Спадчына як кісларод». Гэтым разам спікерка — Вера Дзядок, перакладчыца і менеджэрка культурных праграм Гётэ-Інсіытута ў Мінску (да ягонага закрыцця). Тэма выступлення: «Небяспечная спадчына. Фармаванне ідэнтычнасці праз музейныя калекцыі».

Дата: 28 красавіка

Час: 18.00 (час мінскі)

Месца: Zoom

Хто вырашае які аб’ект варты экспанавання ў музеі, а які — не? Ці сапраўды ўплывае бачанае ў музеі на ўяўленне наведвальніка пра сябе і культуру, да якой ён належыць?

Гэтыя пытанні Вера Дзядок даследавала ў сваёй магістэрскай працы на прыкладе Нацыянальнага мастацкага музея Беларусі. Гісторыя яго пасляваеннай калекцыі — яскравае сведчанне напружання паміж культурнай палітыкай СССР і логікай мастацкіх калекцый.

Рэгістрацыя па спасылцы (калі вы ўжо рэгістраваліся для папярэдніх сустрэч, можна не дубляваць).