У пятніцу, 9 чэрвеня, у CreateCulture Space — аrtist-talk з сучасным мастаком Доктарам Ой.
Дата: 9 чэрвеня
Час: дзверы — 19.00, пачатак — 19.30 (час мясцовы)
Месца: CreateCulture Space, Karmelitų gatvė 5, Вільня
Доктар Ой — беларускі мастак родам з Пінску. Зараз, як і мноства беларусаў, ён падарожнічае па свеце. Вы не раз бачылі яго рознакаляровыя смайлікі з прышчыкамі, паштоўкі з надпісам «Мой дзед быў панк» і дакладна памятаеце мурал з яйкам побач з кінатэатрам «Ракета» ў Мінску.
Неа-поп-арт працы Доктара Ой можна ўбачыць не толькі ў Мінску, але і Рыа дэ Жанейра, Лісабоне і Вроцлаве, а яшчэ — на цішотках, якія разышліся па Беларусі і за яе межамі.
У камернай гутарцы мастак падзеліцца тым, як прыйшоў да мастацтва і стаў вядомым, раскажа пра любімыя праекты і дурныя факапы (нядаўна ён зрабіў арт-акцыю ў Парыжы і асабіста даведаўся, як выглядае французская турма знутры), дасць парады навічкам і нават замахнецца на планы на будучыню.
Уваход — free donation. Рэгіструйцеся па спасылцы.
