Бабруйск. Круглы стол, прысвечаны Магдэбургскаму праву ў гарадах Магілёўскай вобласці
Пачатак: 05.11 (18:00)Канец: 05.11 (20:00)
Бабруйск, вул. Кастрычніцкая, 173-а
Пятага лістапада, у чацвер, у Бабруйску адбудзецца тэматычны вечар, прысвечаны Магдэбургскаму праву ў гарадах Магілёўскай вобласці (у прыватнасці — у нашым горадзе).
Мерапрыемства пройдзе ў форме круглага стала. Удзел у ім возьмуць даследчыкі гэтай тэмы з Магілёва, з Бабруйска; актывісты грамадскіх арганізацый; дзеячы культуры.
Як заяўлена арганізатарамі, акрамя гісторыкаў, краязнаўцаў, круглы стол разлічаны таксама на музейных работнікаў, прадстаўнікоў дзяржаўных структур, якія займаюцца культурай, прадстаўнікоў СМІ і — на ўсіх зацікаўленых.
Мэта і сэнс падобнага роду мерапрыемстваў (а яны праходзяць па ўсёй Магілёўскай вобласці) — прыцягненне ўвагі мясцовай грамадскасці да гістарычных традыцый горада, папулярызацыя ідэі ўзмацнення мясцовага самакіравання ў сучасных умовах.
Магдэбургскае права-адна з найбольш вядомых сістэм гарадскога права, якая склалася ў XIII стагоддзі ў горадзе Магдэбург у якасці феадальнага гарадскога права, згодна з якім эканамічная дзейнасць, маёмасныя правы, грамадска-палітычнае жыццё і саслоўны стан гараджан рэгуляваліся ўласнай сістэмай юрыдычных нормаў, што адпавядала ролі гарадоў як цэнтраў вытворчасці і грашова-таварнага абмену.
Круглы стол пройдзе па адрасу: вул. Кастрычніцкая, 173-а (уваход з тыльнага боку дома; паўпадвальнае памяшканне; каля ўваходу — шыльда «Камп’ютэрныя курсы»).
Пачатак у 18.00.
Уваход — вольны.
