Бабруйск: якім мы хочам бачыць свой горад?

22.11.2016 18:00 - 18:00 Тайм-клуб “13:87” (Бабруйск, вул. Савецкая, 97-2) Уваход вольны

Бабруйск, бадай, адзін з першых гарадоў, які прыгадваюць у размове пра Беларусь. Гэта адзін з самых знакавых гарадоў, якім валодалі Радзівілы, Гаштольды, Трызны. Горад, адзначаны на мапе Еўропы XVI стагоддзя. Горад рамеснікаў і гандлёвы цэнтр Вялікага Княства!

Але сёння, як і большасць беларускіх гарадоў, Бабруйск не мае свайго персанальнага аблічча. Будынкі савецкай забудовы, адсутнасць цікавых гарадскіх прастораў і выразнага ўяўлення па пытаннях архітэктуры і афармлення (ад гарадскіх шыльдаў да колеру фасадаў).

22 лістапада кампанія “Будзьма беларусамі!” запрашае ўсіх неабыякавых жыхароў і гасцей горада падзяліцца сваімі меркаваннямі на ток-шоў “Бабруйск: якім мы хочам бачыць свой горад?”.

У дыскусіі бяруць удзел:

Антон Астаповіч (Мінск), старшыня Беларускага таварыства аховы помнікаў,

Валер Аляксееў (Бабруйск), ініцыятар усталявання помніка Шуры Балаганаву, герою кнігі Ільфа і Пятрова“Залое цяля”

Анастасія Дудаль (Бабруйск), дызайнер, пераможца конкурсу на лепшы праект Моладзевага парку,

Вольга Маханенка (Лепель), менеджар міні-праектаў па стварэнні турыстычных брэндаў Лепельшчыны, арганізатар фестывалю “У госці да Лепельскага цмока”

Абмяркоўваем разам:

  • візуальнае аблічча горада;
  • архітэктура і эстэтыка;
  • якім мы бачым свой горад у будучым;
  • досвед і паспяховыя прыклады іншых гарадоў Беларусі.

22 лістапада, пачатак а 18:00

г. Бабруйск, тайм клуб “13:87” (вул. Савецкая 97-2)

Уваход вольны!

Даведкі: +375293199309, budzma.mogilev@gmail.com

Падзея на Facebook


Вам можа быць цікава

Рэтраспектыва фільмаў, уганараваных у Канах, у Мінску

28.06.2025 19:30 - 23.07.2025 21:00 Прастора «Манахром» (вул. Кастрычніцкая, 16/3 (2 паверх))

Творчая сустрэча з Ганнай Шот у Варшаве

16.07.2025 (18:00 - 20:00) прастора «Duży pokój» (ul. Warecka 4/6)

Спектакль «Дзікае паляванне караля Стаха» ў Брэсце (12+)

19.07.2025 (19:00 - 21:00) Брэсцкі акадэмічны тэатр драмы (вул. Леніна, 21)

Фэст славянскай міфалогіі «Шлях Цмока» ў Бярэзінскім запаведніку

09.08.2025 12:00 - 10.08.2025 17:00 Бярэзінскага запаведніка (вул. Цэнтральная, 3)

Апошняе
на Budzma.org

чытаць яшчэ