У суботу, 27 красавіка, лялечны тэатрык «Дом з марамі» ладзіць новы паказ аднайменнай батлейкі ў музеі Якуба Коласа.
Дата: 27 красавіка
Час: 14.00 (час мясцовы)
Месца: музей Якуба Коласа, вул. Акадэмічная 5, Мінск
Чароўны куфар, які прыйшоў да нас з XVI стагоддзя, пакажа беларускія казкі: народныя, класічныя і зусім новыя.
Наведвальнікі ўбачаць 5 казак, а паміж гісторыямі даведаюцца пра заснаванне батлеечнага тэатра.
Вас чакае мадэрнізаваная батлейка са святлом, гукам і сучасным стылем лялек.
Узрост — 3+.
Працягласць спектакля — 45 хвілін.
Квіткі — 10 рублёў. Па запіс звяртайцеся па нумары (017) 270-17-02.
