Анлайн-лекцыя «Беларусь на старажытных картах»

Пачатак: 09.02 (15:00)
Канец: 09.02 (16:30)
анлайн

9 лютага Нацыянальная бібліятэка Беларусі ладзіць анлайн-лекцыю «Беларусь на старажытных картах».

Дата: 9 лютага

Час: 15.00 (час мінскі)

Месца: Youtube-канал «Book in Belarus»

Эксперт — Леў Казлоў, кандыдат гістарычных навук, знакаміты даследчык старажытных беларускіх карт, аўтар фундаментальных прац па гісторыі беларускай картаграфіі, складальнік гістарычных атласаў і збораў даўніх карт. 

Калегі завуць яго «беларускім Меркатарам», параўноўваючы са знакамітым фламандскім картографам і географам XVI ст.

Сярод пытанняў:

— Калі ўпершыню на картах з’яўляюцца беларускія землі?

— Ці ведаў Пталямей пра Беларусь?

— Калі з’явіліся першыя карты з тапонімам «Белая Русь»?

— На падставе чаго тэрыторыі дзяржаў і земляў вылучалі на даўніх картах рознымі колерамі?

Далучайцеся па спасылцы на трансляцыю.