На інтэрактыўнае шоў «Смак роднай мовы» запрашае 21 лютага рэстаран «Кухмістр». У займальнай імпрэзе ўдзельнікі даведаюцца пра традыцыйныя беларускія стравы і хітрыкі іх гатавання.
Дата: 21 лютага
Час: 19.30
Месца: рэстаран «Кухмістр», вул. К. Маркса, 40, Мінск
Запрошаны эксперт — Алесь Белы, гісторык беларускай кухні, аўтар кніг «Сакатала Бочачка», «Belarusian Cookbook», «Белорусская кухня: Гастрономический путеводитель».
У вясёлай і нязмушанай форме вы зможаце:
— ад душы павесяліцца з жартаў і досціпаў Вясёлага Шляхцюка (харызматычнага беларускага аніматара і вядучага Васіля Грыбоўскага);
— паўдзельнічаць у віктарыне на веданне назваў беларускіх страў, іх гісторыі і сімвалізма з фірмовымі сувенірамі рэстарана ў якасці прызоў;
— паслухаць прэзентацыю страў і напояў нашага меню ад «зорных» эксперта і вядучага — усё, што вы даўно хацелі ведаць пра беларускую кухню, але баяліся спытацца.
Браніраванне ўдзелу — па нумары 8 029 119 4900.
