«Беларуская літаратура ў міжваеннай Вільні: імёны, сюжэты, лёсы». Сустрэча ў Вільні

13 жніўня літаратурны музей Пушкіна ў Вільні запрашае на сустрэчу з літаратарам Андрэем Антонавым. Гаворка пойдзе пра феномен заходнебеларускай літаратуры і складнікаў яе літаратурнага працэсу: пісьменнікаў, выдаўцоў, друкароў, арганізатараў літаратурнага жыцця, чытачоў.

---

Дата: 13 жніўня

Час: 12.00 (час мясцовы)

Месца: літаратурны музей Пушкіна, Subačiaus g. 124, Вільня

Вы даведаецеся, якія падзеі паўплывалі на тое, што беларуская літаратура на тэрыторыі ІІ Рэчы Паспалітай развівалася незалежна ад тэндэнцый і напрамкаў, што панавалі 1920-1930-я гады ў савецкай частцы Беларусі. А таксама пра тое, калі і чаму гэты мацярык знік і як ён паўплываў на развіццё пасляваеннай беларускай літаратуры.

Квіткі — 3 еўра.

Колькасць месцаў абмежаваная, таму зарэгіструйцеся, калі ласка, даслаўшы ліст на адрас [email protected].