22–23 лютага ў ЕГУ ў Вільні адбудзецца бізнэс-форум «Belarus Business Harbour in Baltics».
Дата: 22 і 23 лютага
Месца: ЕГУ, Savičiaus g. 17, Вільня
Форум арганізуе Асацыяцыя беларускага бізнесу за мяжой (ABBA) у генеральным партнёрстве з Еўрапейскім гуманітарным універсітэтам. Гэтае маштабнае мерапрыемства пройдзе ў гістарычным будынку ЕГУ ў цэнтры Вільні.
Асноўныя мэты форуму — аб’яднаць і згуртаваць беларускі бізнэс за мяжой, стварыць моцную і ўплывовую бізнэс-дыяспару, а таксама працягнуць дыялог з прадстаўнікамі дэмакратычных краінаў аб тым, як яны могуць падтрымаць беларускую бізнэс-супольнасць у выгнанні.
На форуме 22-23 лютага беларускія лідары, міжнародныя дыпламаты і эксперты збяруцца разам і абмяркуюць практычныя пытанні падтрымкі беларускіх бізнэсаў за мяжой. Прадпрымальнікі падзеляцца тым, з якімі праблемамі сутыкаюцца бізнэсы ў Беларусі і пасля рэлакацыі — і як можна дапамагчы.
Поўная праграма форуму на рускай — тут. На англійскай — тут
Сярод беларускіх спікераў і ганаровых гасцей будуць прадпрымальнікі і менеджары Павел Лібер, Вадзім Пракоп’еў, Кірыл Валошын, журналіст Аліна Коўшык, эканаміст Сяргей Чалы, оперная спявачка Маргарыта Ляўчук ды іншыя.
На адкрыцці форума выступіць Святлана Ціханоўская і члены яе каманды.
Зарэгістравацца на форум можна па спасылцы.
