ПАДЗЕЯ ДНЯ: Хто там ідзе? Беларусы! Беларускі нэтворкінг у Мінску
09.07.2022
12:00 - 17:00
secret place
Бясплатнае
9 ліпеня ў Мінску, у таемным месцы, суполка evesdaughters ладзіць беларускамоўны нэтворкінг, на які вы яшчэ можаце зарэгістравацца.
Дата: 9 ліпеня
Час: з 12.00 да 17.00
Месца: будзе паведамлена ўдзельнікам асабіста
«Хто там ідзе?» — гэта беларускамоўная прастора для беларусак і беларусаў (і не толькі), якія хочуць папрактыкавацца ў беларускай мове альбо паслухаць гутаркі іншых, далучыцца да творчай суполкі праз музыку і вершы, паглядзець на выставу беларускага сучаснага мастацтва ці проста пабыць часткай прыемнага кам’юніці.
На сценах будуць таблічкі з тэмамі для размоў (напр.: фемінізм, гісторыя, кіно, мастацтва і інш.) і яны будуць падзяляць памяшканне на імправізаваныя зоны (станцыі) для гутаркі на пэўную тэму. Побач з гэтымі зонамі будуць знаходзіцца пустыя таблічкі, на якія можна будзе ў любы момант напісаць сваю тэму, на якую вы хацелі бы паразмаўляць на мове, і дадаць яе на сцяну.
Таксама будзе паэтычная гадзіна для жадаючых прачытаць свае вершы ці вершы беларускіх пісьменні_каў на беларускай мове. А напрыканцы імпрэзы — невялічкі канцэрт.
Каб прыйсці на імпрэзу, патрэбна зарэгістравацца па
спасылцы. Месца правядзення вы атрымаеце пасля рэгістрацыі.
