Беларускі пікнік у Кракаве
09.07.2022
13:00 - 21:00
парк Ёрдана (al. 3 Maja 11)
donation
9 ліпеня ў Кракаве адбудзецца Беларускі пікнік.
Дата: 9 ліпеня
Час: 13.00-21.00 (час мясцовы)
Месца: парк Ёрдана, al. 3 Maja 11, Кракаў
Сабралі для вас ўсё, што там будзе (ці амаль усё):
Квэст «Скарбы Вавельскага Цмока». Пачынаецца адразу а 13-й. Абяцаюць конкурсы на логіку, веды і камандную працу, спаборніцкі дух і прызы для ўсіх удзельнікаў. Для ўдзелу запоўніце
заявачную форму ды падпішыцеся на
тэлеграм-канал квэста.
Ненавуковая канферэнцыя пад адкрытым небам — лекцыі і дыскусіі на розныя тэмы ў нефармальнай атмасферы.
13.30-14.20 — «Беларуская сімволіка. Вяртанне на Радзіму», Віктар Ляхар [BY];
14:25-15:15 — «Українська культура як зброя в сучасній обороні України під час війни», Надія Мороз-Ольшанська [UA];
15:20-16:10 — «Што такое нейронавая сетка і навошта яна патрэбная», Юрый Раманоўскі [RU];
16:15-17:05 — «Алкагольная адысея беларусаў: гісторыя і традыцыі», Ягор Сурскі [BY];
17:10-18:00 — «Radio Plato: чаму кам’юніці-радыё — гэта больш, чым пра музыку?», Аляксандр Карнейчук [BY].
Майстар-класы
13:00-13:50 — маляванне акварэллю;
13:00-13:50 — ёга;
14:00-14:50 — энергапрактыка цыгун;
14:00-14:50 — пляценне касічак;
15:00-16:00 — маляванне на вопратцы;
15:30-16:30 — танцы;
16:00-16:50 — пляценне касічак;
17:00-17:50 — пляценне з джуту;
16:00-18:00 — маляванне хной (мехендзі);
13:00-16:00 — стварэнне закладак для кніг.
На працягу Пікніка таксама разам створаць арт-аб’ект!
Дзіцячая зона! Тут дзіця можа правесці некалькі гадзін за гульнямі, маляваннем, конкурсамi такога кшталту:
13:00-14:00 — лялькі-матанкі;
14:00-14:30 — гульня «Лабірынт»;
13:00-14:00 — вырабы з паперы і фааміну;
13:00-15:00 — салёнае цеста;
14:00-15:00 — актыўныя конкурсы і гульні;
15.00-17.00 — спартыўныя гульні, урокі малявання, гульні з шалікам і тунэлем, гульня пад адкрытым небам «Паляванне за скарбамі», маляванне на твары, мыльныя бурбалкі.
Кірмаш! Мноства файных рэчаў, якія можна набыць!
Актыўныя гульні
На пікніку будзе вялікае поле, дзе можна будзе пагуляць у бадмінтон, вышыбайлавы, перацягванне каната, гарачую бульбачку, кідаць дроцікі, а з 14.30 да 16.00 будуць беларускія народныя танцы.
Канцэрт! Ды во з якімі хэдлайнерамі:
Shuma — электра-фолк праект, які сумяшчае старажытныя паганскія абрадавыя песні і электронную музыку (deep house, low dance, dub techno, minimal, acid).
Dlina Volny — музычнае трыа з Менска. Яны iграюць музыку ў жанрах нью-вэйв, пост-панк, сінт-поп i брут-поп. Гэта аналагавыя сінтэзатары і прамалінейны бас, захутаныя ў глыбокі жаночы вакал.
Таксама граюць:
Pocketrave — незалежны аўтарскі гукавы праект з Мінска;
MAD1WOOD — беларуская дыджэйка, якая жыве ў Кракаве;
KorneJ — дыджэй, адзін з заснавальнікаў Radio Plato;
BUDZKO — адзін з самых вядомых выканаўцаў танцавальнай музыкі.
А яшчэ будзе
розыгрыш пікніковага мерча ад Вольгі Ільіной, якая, дарэчы, дасць на пікніку майстар-клас. Што трэба зрабіць? быць падпісаным у інстаграме на
@bialorusini.krakow і
@volgailyina зрабіць рэпост любога паста пра пікнік з
@bialorusini.krakow і адзначыць профіль пікніка, напісаць пад гэтым пастом каментарый, каб вас не згубілі. Вынікі падвядуць
у пятніцу ўвечары, а мерч можна будзе забраць у суботу на пікніку.
Уваход вольны! Вітаюцца данаты ад 15 злотых.
Сабраныя грошы пойдуць на падтрымку ўкраінскіх дзяцей і на развіццё беларускай дыяспары.
Бярыце пледы, ежу, гітару, прыгожа апранайцеся (вітаюцца касцюмы з нацыянальнай сімволікай!) і — да сустрэчы на пікніку!
