У суботу і нядзелю, 10 і 11 снежня, Адкрыты інстытут у Варшаве ладзіць перфарматыўны семінар, дзе мастакі з Беларусі, Украіны і Польшчы шукаюць шляхі пераадолення ўсяго, што з намі адбылося.
Дата: 10 і 11 снежня
Час: з 12.00 (час мясцовы)
Месца: большасць імпрэз адбываецца ў Warszawskа Świetlicę Krytyki Politycznej, Jasną 10, Варшава
Запрашаюць паразмаўляць пра гэтую нашую складанасць, пра яе розныя аспекты і пра стратэгіі, пра спосабы быць разам, пра пабудову новай шматмоўнай і полікультурнай супольнасці.
У праграме ёсць і беларускія імпрэзы:
10 снежня
12.00 — 16.00 майстэрня «Адкрытая студыя беларускага арнаменту» з Кацярынай Сянкевіч, мастачкай родам з Падляшша.
Гэта жывапісна-інтэграцыйная майстэрня, дзе можна паэксперыментаваць з народным арнаментам ў тэхніцы ткацтва ўзораў фарбамі на палатне.
Кожны зробіць фрагмент рушніка-карціны. Асобныя элементы аб’ядняюцца ў адзін падоўжны твор, які будзе нагадваць традыцыйны, тканы або вышываны, абрадавы рушнік.
Запісацца на ўдзел можна мэйлам на адрас sienkiewiczkatarzyna1@gmail.com.
Удзел вольны.
18.00 — 20.00 спектакль-перформанс беларускай мастачкі Надзі Саяпінай «(не)адсутнасць — (не)прысутнасць» — кранальная і пранізлівая спроба асэнсаваць досвед эміграцыі.
Гэта практыка/рытуал калектыўнага апавядання. Ён заснаваны на інтэрв’ю, сабраных мастачкай з мігрантамі з розных краін, якія жывуць у Польшчы.
20.00 Open P-U-B Польшча / Украіна / Беларусь
Падрабязную праграму глядзіце па спасылцы і далучайцеся!
Уваход вольны.
