Літаратура Кракаў
Канец: 10.07 (19:00)
палац Патоцкіх
Беларускія паэты на фестывалі Мілаша ў Кракаве
Пачатак: 06.07 (12:00)Канец: 10.07 (19:00)
палац Патоцкіх
(Кракаў, Rynek Główny 20)
Да 10 ліпеня ў Кракаве ідзе паэтычны фестываль Мілаша, і ў ім бяруць удзел беларускія літаратары Марыя Мартысевіч, Андрэй Хадановіч, Уладзімір Някляеў і Таццяна Нядбай.
Дата: з 6 па 10 ліпеня
Месца: палац Патоцкіх, Rynek Główny 20, Кракаў
8 ліпеня, у пятніцу, а 15-й адбудзецца дыскусія «Кнігі на барыкадах» пра сілу літаратуры перад абліччам катастрофы. Перакладчыцы Анэта Каміньска і Яанна Бэрнатовіч, прэзідэнтка Беларускага ПЭН-клуба Таццяна Нядбай і паэт Уладзімір Някляеў паразважаюць пра ролю аўтараў і творцаў у ваенны час.
У той жа дзень, 8 ліпеня, а 19-й завітайце на сустрэчу з Андрэем Хадановічам, які будзе чытаць вершы Чэслава Мілаша пад музыку Віталя Дарашука, Вольгі Падгайскай і Кірыла Крысці.
Дзякуючы гэтаму супрацоўніцтву ўжо выйшаў альбом «Чалавек шматпавярховы», на якім спадар Андрэй чытае свае пераклады ў суправаджэнні гурта «Раённая дыета». Так што паэзія Чэслава Мілаша ў гэты вечар прагучыць на трох мовах — польскай, беларускай і ўніверсальнай lingua musica.
10 ліпеня, у нядзелю, а 15-й прыходзьце на сустрэчу з Марыяй Мартысевіч, якая прэзентуе польскае выданне сваёй прыўкраснай паэмы «Сарматыя» ў перакладзе польскага паэта Богдана Задуры.
А пасля, а 18-й завітайце на дыскусію «Пісьменніца на вайне», у якой возьмуць удзел беларуская паэтка Марыя Мартысевіч і ўкраінская літаратарка Аксана Забужка. Аўтаркі абмяркуюць (не)перакладальнасць досведу гвалту на мову літаратуры.
Усе імпрэзы праходзяць у палацы Патоцкіх.
Уваход вольны! Шукайце болей імпрэз у праграмеды завітвайце.
