Прэм’ера задумана як магчымасць падтрымаць актыўных дзеячаў грамадства і культуры Беларусі, паспрабаваць знайсці адказы на выклікі часу.
Гэта гісторыя пра грамадства, свабоду і яе межы, перакладзеная на 25 моваў, якую ўжо бачылі гледачы ў 49 краінах. Гэта «жывы тэатр»: без рэжысёра, рэпетыцый і чацвёртай сцяны. Сакрэтны сцэнар чакае героя непасрэдна на сцэне...
Спецыяльныя госці беларускіх паказаў:
- 4 лютага — тэлевядучы, вандроўнік, музыка Дзяніс Дудзінскі
- 5 лютага — культурны эксперт, спецыяліст па этыкеце Аксана Зарэцкая
- 6 лютага — артыст тэатра і кіно, народны «Маляваныч» усяе Беларусі Аляксандр Ждановіч
Вядома, што лепшая падтрымка незалежнага мастацтва — набытыя квіткі, нават калі вы не можаце прыйсці асабіста.
