Тэатр «Крылы халопа» запрашае на форум-чытку п’есы «Хрыбет» у Беларускім Моладзевым Хабе, дзе ў кожнага будзе магчымасць апынуцца на месцы выканаўцы і прапанаваць уласную інтэрпрэтацыю абранага ўрыўка.

---

Дата: 16 студзеня

Час: 18:30 (час мясцовы)

Месца: plac Konstytucji 6, Варшава

Сустрэча пройдзе пад дэвізам: Art must heal/ Мастацтва павінна лячыць. Гэта значыць, што ў працэсе калектыўнай творчасці ўдзельнікі паспрабуюць прапрацаваць сваю/нашу траўму з дапамогай тэатратэрапіі.

Тэатр «Крылы халопа» і Прастора КХ у Брэсце былі зачыненыя ў лютым 2021 года ў сувязі з рэпрэсіямі. Адным з важных напрамкаў работы КХ была акцёрская студыя. У 2016–2020 гг. студыя рэалізавала некалькі тэатральных праектаў, у тым ліку форум-спектаклі «Вялікдзень. Чайлдфры. Сукенка», «СУРмама», «Антыгона. iPower», чыткі п’ес і гісторый бежанцаў і інш. У 2021 годзе многія ўдзельнікі студыі вымушаны былі з’ехаць з краіны. Акцёры, якія аселі ў Польшчы, вырашылі прадоўжыць працу ў Варшаве.