27 жніўня пройдзе бізнес-сняданак “Invent Yourself”, арганізаваны студэнцкімі арганізацыямі БАСС і ЦРСІ, з удзелам сузаснавальніка праекта “Мазгабойня”, Аляксандра Ханіна, які падзеліцца з намі сваёй гісторыяй поспеху і адкажа на пытанне, як не дазволіць працы ператварыцца ў армейскую штодзённасць, а быць вашым прыбытковым хобі.
Тэма сустрэчы – “Праца – высокааплатнае хобі ці армія?”. Пачатак сустрэчы а 11:00.
На сустрэчы мы абмяркуем наступныя тэмы:
Да чорта бізнэс або што важней: што рабіць ці як рабіць? Спачатку чалавек, а потым бізнэс?
Матывацыя іншых – лухта сабачая? Быць іншым, чым іншыя.
Дзе існуюць беларускія эканамічныя “рэаліі”?
Што такое бізнес-сустрэчы ад “Invent Yourself”? Гэта дзелавыя гутаркі з экспертамі ў сферы бізнесу і вобласці HR, а таксама адмысловымі гасцямі праекта, якія падзеляцца сваім вопытам і парадамі ў пытаннях працаўладкавання або адкрыцця ўласнага бізнэсу за кубачкам кавы ці гарбаты. Тут можна не толькі даведацца шмат карыснай інфармацыі, але і асабіста пагутарыць са адмысловымі гасцямі праекта “Invent Yourself”. Праект прызначаны для моладзі не старэйшай за 26 гадоў.
Удзельнікі праекту змогуць атрымаць спектр навыкаў як у індывідуальнай, так і каманднай працы, а таксама атрымаць каштоўныя веды ў галіне прадпрымальніцтва, фінансаў, стратэгічнага планавання і менеджменту, маркетынгу, аспектаў правы для адкрыцця сваёй справы, а таксама актуальныя і апошнія навіны аб рынку працы ў самых розных сферах дзейнасці. Акрамя таго, важным складнікам ўдзелу ў праекце з’яўляецца арыентацыя на практыку.
Удзел у бізнес-сняданку абсалютна бясплатны, аднак патрабуе папярэдняй рэгістрацыі. Удзельнікі будуць адабраны па заяўках. Зарэгістравацца можна да 26 жніўня, уключна, запоўніўшы кароткую форму. Колькасць месцаў строга абмежавана (30!).
