11 ліпеня ў Празе адбудзецца прэзентацыя фотаальбому з вершамі «Bloodlands 20/22».
Дата: 11 ліпеня
Час: 20:30 (час мясцовы)
Месца: Kafe Damu, Karlova 26, Prague
Гэта адзіная прэзентацыя, падчас якой сустрэнуцца ўсе тры суаўтары кнігі: Алесь Плотка, Алесь Пілецкі і Станіслаў Крупаж.
Bloodlands 20/22 — гэта дыхтоўны фотаальбом з вершамі, створаны Алесем Плоткам і фатографамі Алесем Пілецкім і Станіславам Крупажам. У фокусе аўтараў — «крывавыя землі», Беларусь і Украіна, і іх пакутліва розны шлях дэкаланізацыі.
Акрамя аўтарскіх твораў кніга змяшчае некалькі перакладаў украінскіх літаратараў: Іван Сэмесюк, Таня Радзівонава, Вячаслаў Лявіцкі, Лэсык Панасюк, Angie Siveria.
100 працэнтаў прыбытку ідуць на рэабілітацыйны цэнтр «Ланка», створаны ва Украіне для камбатантаў замежнікаў, найперш беларусаў.
