Бута перформанс Ірыны Ануфрыевай VOID

Танец і харэаграфія: Ірына Ануфрыева (Беларусь / Швецыя)

Кампазітар, “Schrei 27”: Дыяманда Галас (ЗША)

Візуальны дызайн: Йоана Бодзек (Швецыя)

У гэтай працы Ірына Ануфрыева даследуе ўразлівасць любой жывой істоты, пастаўленай на грань свайго існавання, істоты, якая сутыкаецца з рэальнасцю і праяўляе сябе ў экстрэмальнай сітуацыі. Катаванне, ізаляцыя, траўма, фізічнае знясіленне, посттраўматычны стан, ўспаміны, якія пераследуюць з мінулага − з’яўляюцца тэмамі гэтай працы.

“Schrei 27” была напісана Дыямандай Галас для аднаго голасу. Галасавыя партыі запісваліся з выкарыстаннем прынцыпаў кальцавой мадуляцыі і акустычнага эфекту Дэлея (затрымкі), каб далей праігрывацца ў квадрафанічнай схеме. Гэтая праца ўпершыню кампазітарам была прадстаўлена гледачу ў поўнай цемры ў Нью-Ёрку ў 1996 годзе.

“Выкарыстанне Ірынай Ануфрыевай “Schrei 27”  для яе перформансу VOID робіць мне вялікі гонар. Яе трагічны твар дэфармаваны альбо застыў ад трасфармацыі, нанесенай ёй − жаху, сведкамі якога мы не былі. Траўма, заразілая яе, − гэта пульсавалы шнар”. Дыяманда Галас

Касцюм для VOID зроблены з частак для японскага кімано і з’яўляецца працягам Ki — mono Reconstruction Project, над якім Йаана Бодзекпрацуе з 2010 года.

Пры падтрымцы Längmanska kulturfonden. Асаблівая падзяка Таццяне Арцімовіч, Маціясу Весцеліусу і Святлане Ярковіч. Аўтар афішы Тоня Гольмант.

Квіток: 50 тыс. б.р. Інфалінія : +37529 3592360

Падзея ў facebook

Паглядзець урыўкі з перформанса можна ТУТ

Нагадваем таксама, што 8 і 9 лістапада адбудзецца двухдзённы майстар-клас Ірына Ануфрыевай “Цела і прастора. Святкаванне адзінства”. Падрабязней ТУТ.

Ірына Ануфрыева нарадзілася ў Беларусі, вучылася ў студыі тэатра “ІнЖэст” (Беларусь), была вучаніцай і танцорам SU-EN Butoh Company (Швецыя). Працуе як незалежны танцор, харэограф і мастак перформансу. Жыве ў Стакгольме (Швецыя).