12 студзеня Берасцейскі медыя-цэнтр правядзе сваё фінальнае мерапрыемства. На ім будзе абвешчаны пераможца конкурсу на лепшую публікацыю, адбудзецца дыскусія і будуць падведзены вынікі супрацоўніцтва НДА і СМІ за 2018 год.
На працягу года медыя-цэнтр праводзіў трэнінгі і сустрэчы, на якіх любы жадаючы мог атрымаць практычныя інструменты па стрымінгу, грамадзянскаму актывізму, фатаграфіі, сторытелінгу і г.д. Менш чым за год, у Берасці падзяліліся сваім вопытам Дзяніс Васількоў, Антон Матолька, Адар’я Гурштын і г.д.
Акрамя ўручэння прызоў 12 студзеня адбудзецца дыскусія з галоўным рэдактарам “Еўрарадыё” Паўлам Свярдловым. У цёплай каляднай атмасферы, седзячы ў каміна з напоямі ў руцэ, можна будзе абмеркаваць далейшыя формы супрацоўніцтва НДА і СМІ.
Што: Падвядзенне вынікаў конкурсу, дысскусія з Павлам Свярдловым (галоўны рэдактар “Еўрарадыё”)
Дзе: офіс АРР “Дзедзіч”, вул. Маякоўскага, 46
Калі: 12 студзеня, у 14:00.
Мерапрыемства праводзіцца ў рамках праекта “Брэсцкі медыя-цэнтр”, які арганізаваны Агенцтвам рэгіянальнага развіцця “Дзедзіч”. Праект накіраваны на ўмацаванне сувязяў паміж журналістамі і грамадскімі актывістамі нашага горада і павелічэнне прысутнасці арганізацый трэцяга сектара ў медыя-прасторы горада.
