Чытка п’есы Ганны Комар «Целам сваім» у Лондане

У суботу, 17 верасня, а 13-й завітвайце ў Скарынаўскую бібліятэку. Паэтка Ганна Комар будзе чытаць сваю п’есу «Целам сваім» пра досвед зняволення падчас пратэстаў 2020 году, пра ўзаемасувязь траўмаў і спосабы іх пераадолець.

---

Дата: 17 верасня

Час: 13.00 (час мясцовы)

Месца: Скарынаўская бібліятэка, 37 Holden Road, Лондан

Гэта інтымны, шчыры аповед, які адгукнецца многім людзям з Беларусі.

Чытаць будуць Ганна Комар і Эллі Нова.

Пасля чыткі будзе ўтульнае абмеркаванне з гарбаткай і віном (прыносьце па жаданні!).

Вось пра што п’еса: Восень 2021. Маладая жанчына толькі прыехала ў Лондан з Беларусі. Падавалася б, можна супакоіцца, але яе пераследуюць успаміны пра гвалт у краіне і зняволеньне. Яна прачынаецца па начох і вядзе гутаркі з успамінамі, з ценямі, са сваёй трывогай. Антыдэпрэсанты не дапамагаюць адказаць на пытанне, ці зможа яна вярнуцца дадому.

Уваход вольны!