У нядзелю, 18 чэрвеня, у «Пясочніцы» — дабрачынны фэст «Fortuna Pets» у дапамогу прытулкам для жывёл.
Дата: 18 чэрвеня
Час: з 12.00 да 18.00
Месца: «Пясочніца», Куйбышава, 45, Мінск
Вас чакае:
Сустрэча з валанцёрамі і кіраўнікамі прытулкаў
Конкурсы і прызы для ўсіх удзельнікаў
Кармавыя і цацачныя стэнды для вашых гадаванцаў Займальныя майстар-класы
Магчымасць прытуліць бяздомнага сабаку ці ката: больш за 45 выдатных сабак і 30 мілых катоў будуць чакаць тут новых гаспадароў
Абяцаюць таксама сяброўскую атмасферу, зносіны з аднадумцамі і шмат іншых прыемных штук.
Будуць удзячныя за падарункі:
сухія і вільготныя кармы — Брыт, Mammynat, HappyDog, Purina, Royal Canin, Blitz, Berkeley, Premil, Darsi;
кармы для жывёл-інвалідаў: HappyDog Vet Mobility, Purina Gastrointestinal, Royal Canin Gastrointestinal, Royal Canin Recovery, гіпаалергенныя кармы; вакцыны Nobivak, Биокан, Мультыфел, Мультыкан;
сродкі ад блох і кляшчоў: Дана Ультра, Сімпарыка, Бравекта, Фіпрыст, Гельмімакс, Мілпразон, Дрантал;
пледы / пасцельная бялізна, бентанітавы напаўняльнік, пялюшкі;
ласункі для жывёл;
цацкі, кіпцюраточкі, вітаміны; кашы, крупы (ячмень, грэчка, рыс, аўсянка, пярлоўка);
ашыйнікі, ланцужкі.
Усе сабраныя ахвяраванні пусцяць на патрэбы прытулкаў і клопат аб бяздомных жывёлах.
