У сераду, 22 траўня, лекторый «Фрэскі» запрашае на дабрачынны спектакль «Дзве прынцэсы».
Дата: 22 траўня
Час: 19.00
Месца: вул. Кісялёва, 38 (1 паверх), Мінск
Вас чакае захапляльная гісторыя пра тое, як Агата, любімая дачка Караля і Каралевы, нечакана даведваецца, што ў яе ёсць сястра, з якой яны былі разлучаны ў дзяцінстве.
Не чакаючы ні хвіліны, прынцэса вырашае адшукаць сястру і вярнуць яе ў палац!
Выправіўшыся на пошукі, яна сустракае на сваім шляху Няшчасце, якое паведамляе, што зараз заўсёды будзе хадзіць за ёй следам.
Прыходзьце і паглядзіце, што ж з гэтага выйдзе!
Працягласць спектакля — 40 хвілін.
Абяцаюць, што ён будзе цікавы дзецям і дарослым.
Уваход — за ахвяраванні.
