2 чэрвеня ў Беларускім Моладзевым Хабе ў Варшаве адбудзецца дыскусія, прысвечаная барацьбе за правы ЛГБТК+ асобаў у кантэксце беларускіх пратэстаў.
Дата: 2 чэрвеня
Час: 18.00 (час мясцовы)
Месца: Беларускі Моладзевы Хаб, plac Konstytucji 6, Варшава
Падчас пратэстаў у Беларусі заўсёды сярод іншых сцягоў можна было пабачыць вясёлкавы сцяг ЛГБТК+ супольнасці. Некаторыя ўдзельнікі пратэстаў не разумелі гэтага, спасылаючыся на тое, што, маўляў, спачатку вызвалім Беларусь, а пасля будзем падымаць іншыя пытанні.
Ці можна падчас змаганняў за перамены аддзяліць свабоду ЛГБТК+ асобаў ад іншых? На гэтае ды іншыя пытанні на сустрэчы «Адказы для Беларусі» ўдзельнікі дыскусіі будуць шукаць адказы разам з экспертамі:
Настай Базар — фем квір нізавай актывісткай;
Дашай Чурко — праваабаронцай, феміністкай, адкрытай лесбіянкай;
Антонам Клімовічам — квір-актывістам.
