Дыскусія «Мастацкі Нонканфармізм — 1980-х і сёння»

16.01.2017 19:00 - 19:00 Кнігарня логвінаЎ (пр. Незалежнасці, 37а) Уваход вольны

У траўні 2015 года «pARTisan» зладзіў выставу «Мінск. Нонканфармізм 1980-х», на якой былі прадстаўленая ўнікальная фотадакументацыя жыцця неафіцыйнай мастацкай сцэны часоў перабудовы. Зараз у «Калекцыі Партызана» рыхтуецца адмысловае выданне з матэрыяламі выставы і тымі архівамі, якія не ўвайшлі ў экспазіцыю. Адмыслова да гэтай падзеі мы вырашылі правесці сустрэчу, прысвечаную тактыкам мастацкага супраціву ў тыя часы і сёння.

Ці магчыма казаць пра феномен мастацкага нонканфармізму на беларускай глебе ў часы перабудовы? Якія тактыкі выкарыстоўвалі мастакі і якія мэты перад сабой ставілі? Што ўяўляе сабой мастацтва супраціву сёння? Каму альбо чаму (не)падпарадкоўваюцца сучасныя мастакі і мастачкі?

Паразважаць над гэтымі пытаннямі мы запрасілі мастацкую актывістку Вікторыю Біран, пісьменніка і мастака Адама Глобуса, гісторыка Аляксея Братачкіна і мастака Аляксея Талстова. Мадэратарка Таня Арцімовіч

Уваход вольны!


Вам можа быць цікава

Майстар-клас па стварэнні «відкоў» у Заслаўі

13.07.2025 (12:00 - 14:00) музей беларускай маляванкі (вул. Дачная, 13)

Выстава Валерыі Антаніхінай у Магілёве (12+)

16.07.2025 (17:30 - 21:00) Арт-цэнтр «У Малчанава» (пр. Міру, 2А)

Выстава «Fragmenty» ў Варшаве

17.07.2025 19:00 - 03.08.2025 20:00 Музей Вольнай Беларусі (Foksal 11)

Апошняе
на Budzma.org

чытаць яшчэ