У чацвер, 8 лютага, у Берліне адбудзецца панэльная дыскусія «Справіцца з сучаснасцю: Усходняя Еўропа» ў межах фэста «Utopia Eastern Europe».
Дата: 8 лютага
Час: 19.00 (час мясцовы)
Месца: Haus der Kulturen der Welt, Magnus Hirschfeld Bar, John-Foster-Dulles-Allee 10, Берлін
Удзел бяруць даследчыцы Вольга Шпарага і Яўгенія Беларусец.
Абяцаюць таксама канцэрт і дыджэй-сэт!
Праграма такая:
19:00 Прывітальныя словы
19:30 Панэльная дыскусія з Катарынай Варда, Яўгеніяй Беларусец і Вольгай Шпарагай.
Мадэруюць Саша Марыяна Зальцман і Макс Чолек.
Абмяркуюць, якую ролю адыгрывае палітычная сітуацыя ва Усходняй Еўропе для ўсяго еўрапейскага рэгіёну і які ўплыў яна аказвае на мастацтва і літаратуру.
21:30 Канцэрт Фо Шо
Fo Sho — гэта хіп-хоп праект трох сясцёр Мірыям, Сіёны і Бэці Эндэйл, якія выступаюць не толькі за бліскучы рэп, але і за кавалачак усходнееўрапейскай сучаснасці: украінскай, габрэйскай, цемнаскурай.
Дзеці габрэйскіх мігрантаў з Эфіопіі, сёстры выраслі ў Харкаве на ўсходзе Украіны і наведвалі там ультраартадаксальную школу.
Паколькі свецкая музыка была забароненая дома, пазней яны знайшлі ўласны падыход да такіх жанраў, як R’n’B і трэп, заснаваўшы Fo Sho ў 2019 годзе.
Пасля пачатку вайны ва Украіне ў 2022 годзе трыа было вымушана бегчы з Украіны, але і ў выгнанні працягваюць супраціў.
22:30 Дыджэйскі сэт Ганны Шрайт
Квіткі коштам 7 еўра поўны і 5 еўра льготны бярыце па спасылцы.
