Дыскусія “Сучасная нацыянальная ідэнтычнасць: праблемы і выклікі”

22.09.2016 19:00 - 21:00 Бізнес-клуб Imaguru (вул. Фабрыцыуса, 4) Уваход вольны

Кампанія “Будзьма беларусамі” і Лятучы ўніверсітэт запрашаюць на публічную дыскусію “Сучасная нацыянальная ідэнтычнасць: праблемы і выклікі”, якая адбудзецца 22 верасня ў бізнес-клубе Imaguru.

Удзел возьмуць:

Ірына Дубянецкая, доктар сакральнай тэалогіі

Сяргей Харэўскі, культуролаг, мастацтвазнаўца

Валер Булгакаў, галоўны рэдактар часопіса “Arche”

Аляксей Ластоўскі, даследчык нацыянальнай ідэнтычнасці

Алесь Белы, гісторык, публіцыст

Мікіта Броўка, symbal.by

Мадэратар — Павел Баркоўскі

У цэнтры ўвагі экспертаў — дзве тэмы: “Нямодны прысуд: вышыванкі як знакі сучаснасці і спроба ўвасаблення нацыянальнай  ідэі” і “Дэмакратыя і нацыянальная ідэнтычнасць: ці магчымыя адна без адной?”.

Запрашаем  разам высветліць, беларуская вышыванка — гэта проста мода альбо спроба адшукаць вонкавыя сімвалы вобразу  нацыянальнай ідэнтычнасці? Ці могуць яны ўз’яднаць нацыю па-за палітычным кантэкстам? Ці магчымае развіццё і дэмакратызацыя Беларусі без ідэнтычнасці? Ці можа наша краіна стаць сапраўды незалежнай без яе? Колькі відаў ідэнтычнасці суіснуюць ці супрацьстаяць адзін аднаму ў Беларусі?

Падчас абмеркавання адбудзецца паказ вышыванак ад беларускіх вытворцаў.

Дыскусія будзе адбывацца ў межах Тыдня беларускага мыслення.

Падзея ў Facebook.

22 верасня, бізнес-клуб Imaguru (Мінск, вул. Фабрыцыуса, 4)

19.00

Уваход вольны


Вам можа быць цікава

Рэтраспектыва Валерыя Рубінчыка ў Мінску

02.05.2025 17:00 - 30.05.2025 19:00 Музей гісторыі беларускага кіно (вул. Свярдлова, 4)

Выстава Антона Цыбізава «Prima Manus» у Мінску

05.05.2025 19:00 - 05.06.2025 20:00 галерэя «Арт Фабрыка» (вул. Свярдлова, 2)

«Sož» і «People of Pangea» ў Варшаве

10.05.2025 (20:00 - 22:00) Garaż Artystyczny (Wałbrzyska 11 lok. 04)

Саша Філіпенка ва Уроцлаве

21.05.2025 (18:30 - 20:00) Klub Proza (Przejście Garncarskie 2)

Апошняе
на Budzma.org

чытаць яшчэ