Дыскусія «Цень Чарнобыля праз 40 гадоў: забеспячэнне будучыні Беларусі і Украіны» ў Празе

У панядзелак, 27 красавіка, у Празе адбудзецца дыскусія «Цень Чарнобыля праз 40 гадоў: забеспячэнне будучыні Беларусі і Украіны». 

Праз 40 гадоў пасля Чарнобыльскай катастрофы ядзерная пагроза ў Еўропе не знікла — яна эвалюцыянуе. 

Сёння лукашэнкаўская Беларусь і Расея ўсё часцей выкарыстоўваюць ядзерную інфраструктуру і рыторыку як геапалітычныя інструменты. 

Ад адсутнасці празрыстасці на Астравецкай АЭС да мілітарызацыі Запарожскай АЭС і размяшчэння ракет, здольных несці ядзерную зброю (такіх як сістэма «Арэшнік»), — ядзерная рызыка становіцца сістэмнай зброяй. Далучайцеся, каб абмеркаваць пытанні ядзернай (не)бяспекі, вынікі расследаванняў і аспекты міжнароднай дыпламатыі. 

У праграме: 

 панэльная дыскусія «Спадчына Чарнобыля праз 40 гадоў: новае ядзернае балансаванне на мяжы вайны» — эксперты прааналізуюць, чаму ўрокі 1986 года ігнаруюцца ў сённяшнім напружаным геапалітычным клімаце; 

 расследвальніцкі брыфінг «Файлы Астраўца і „Арэшніка“» — эксклюзіўны погляд на сістэматычныя парушэнні бяспекі ў Беларусі і стратэгічнае разгортванне ядзерных актываў; 

 нэтворкінгавы фуршэт: магчымасць пагутарыць з экспертамі і палітычнымі аналітыкамі з Беларусі, Чэхіі, Украіны і міжнародных інстытутаў. 

Мовы івэнта — беларуская, чэшская, ангельская (забяспечваецца сінхронны пераклад). 

Уваход вольны. Рэгіструйцеся праз мэйл czechia.office@tsikhanouskaya.org.