30 снежня, у пятніцу, Аляксандр Ждановіч, якога мы любім яшчэ і як Маляваныча, запрашае дзетак на святочную імпрэзу «Дзе жыве Новы год» у прастору «аКсяродак». На беларускай, вядома ж, мове!
Дата: 30 снежня
Час: 19.00 (час мясцовы)
Месца: прастора «аКсяродак», Метакса, 4, Батумі
Абяцаюць батлейку, аповед пра традыцыі святкавання ў розных краінах, гульні ды сустрэчу Каляднага Дзеда, які ўручыць падарункі (ад бацькоў).
Бацькоў просяць рэгістравацца па спасылцы, а яшчэ падрыхтаваць падарунак для свайго дзіцяці ды запакаваць так, каб не было бачна, што ўнутры, і падпісаць вялікімі літарамі. Гэта яго вашым дзецям і падорыць беларускі Калядны Дзед.
Калі вы хочаце падарунак для свяйго ўнутраннага дзіцяці, таксама можаце падрыхтаваць і запакаваць.
Уваход вольны — і вы памятаеце, што тут заўсёды радыя данатам на развіццё прасторы.
Рэгіструйцеся па спасылцы.
