У суботу, 27 ліпеня, у музеі народнай архітэктуры і побыту ў Азярцы — дзень каваля.
Дата: 27 ліпеня
Час: 15.00
Месца: музей народнай архітэктуры і побыту, Азярцо, Мінскі раён
Дзень святых Касьмы і Дзям’яна — свята кавалёў. Менавіта гэтыя хрысціянскія святыя лічацца апекунамі земляробства і кавальства на Беларусі.
Бытавала павер’е, што яны з’яўляюцца сімвалічнымі «божымі кавалямі», якія з нябёсаў дапамагалі з металічнымі прыладамі працы — адбівалі і тачылі косы, сачылі за вастрынёй сякераў на сялянскім двары.
Стаць кавалём не так проста, бо навучанне гэтаму майстэрству працягвалася ад 3 да 7 гадоў.
Будынак кузні ў традыцыйнай беларускай вёсцы стаяў на ўскрайку, пры дарозе. Навокал яго заўсёды быў чуваць грукат кавадлы і лязгат металу — менавіта там нараджаліся неабходныя ў сялянскім побыце вырабы: падковы, сярпы, нажы, сякеры і малаткі.
З глыбокай павагай адносіліся да каваля людзі, лічылі яго волатам, у якога рукі ў золаце. Але пры гэтым да кавалёў ставіліся з пэўнай асцярогай, бо меркавалі, што яны з нячыстай сілай водзяцца!
Вас чакае:
Расповед пра кавальства на Беларусі;
Майстар-клас па кавальстве.
Кошт квіткоў:
для дарослых — 12 рублёў; студэнтаў і школьнікаў — 6 рублёў; для дашкольнікаў — бясплатна.
