7 ліпеня дом-музей Марка Шагала ў Віцебску святкуе дзень народзінаў мастака.
Дата: 7 ліпеня
Час: з 17.00 (час мясцовы)
Месца: дом-музей Марка Шагала, вул. Пакроўская, 11, Віцебск
Па-першае, у гэты дзень наведаць музей можна бясплатна!
Па-другое, а 17-й тут пачнецца музычна-тэатральная імпрэза «З Днём нараджэння, Марк!» Уваход на яе вольны!
А па-трэцяе, у 21.00, калі ўсё пойдзе па плане і не будзе дажджу, пачнецца квэст па музеі і начны спектакль «Шагал... Шагал...» ад Коласаўскага тэатра. З начной цемры, як з мінулага, выйдзе таемны Мастак і будзе расказваць, паказваць гісторыю свайго жыцця.
Квіток на квэст ды спектакль — 10 рублёў.
Прыходзьце віншаваць спадара Марка са 135-годдзем!
