У сераду, 9 жніўня, беларусы Берліна ладзяць да Дня салідарнасці з Беларуссю дваровую сустрэчу.
Дата: 9 жніўня
Час: з 18.00 да 22.00 (час мясцовы)
Месца збору: сад Haus der Statistik, Otto Braun straße 70-72, Берлін
Бо для нямецкіх беларусаў 9 жніўня — гэта не толькі гадавіна пратэстаў, але ж таксама і дзень народзінаў суполкі RAZAM, калі мясцовыя беларусы ўпершыню «пабачылі» адзін аднаго і аб’ядналіся. То прыходзьце адзначыць і гэтую гадавіну!
Абяцаюць прэм’еру фільма «ЧынЧыны праляцелі кукушкай» ад слынных дзеячоў канала «ЧынЧын чэнал».
Сюжэт ні ў чым не саступае замежным аналагам: Беларускія чыноўнікі Сяргей Мікалаевіч і Мікалай Сяргеевіч прыбываюць у Лядскую псіхіятрычную лячэбніцу № 1, каб наведаць загадкавую пацыентку — вядомую праўладную выканаўцу Алену ЖалудОк. Яны хочуць прымусіць гэтую птушку спяваць на дзяржаўным свяце. Нішто не абяцае правалу, але ж...
І дакладна будуць дранікі!
Уваход вольны!
