Парафія св. Юды Тадэвуша, апостала ў Лучаі (Віцебская дыяцэзія, Пастаўскі дэканат) запрашае сужонкаў і таксама кожнага жадаючага прыехаць на свята сям’і, якое будзе праводзіцца 30 чэрвеня г.г., пачатак а 16:00.
На гэтую сустрэчу асабліва запрашаем сужонкаў, якія ў гэтам годзе адзначаюць свой юбілей сужэнскага жыцця ці нейкую круглую гадавіну свайго шлюбу. На наша свята запрошаныя святары, якія займаюцца душпастырсвам сем’яў, а таксама спецыялісты і дарадчыкі сямейнага жыцця, таксама прадстаўнікі супольнасці «Сужэнскія сустрэчы». Будзе магчымасць падзяліцца сваім сведчаннем. Пасля літургіі запланаваны канцэрт вядомага беларускага артыста. Юбіляраў просім паведаміць загаддзя аб сваім удзеле.
ПРАГРАМА:
Перажыванне нядзелі ў сям’і
– Адарацыя
– Канферэнцыя
– Разважанні і сведчанні
– Святая Імша за сем’і і юбіляраў
– Канцэрт
