Сябры!
У найбліжэйшы АЎТОРАК, 30 кастрычніка, у рамках Дударскага клюбу адзначым сьвята “Дзяды”.
* * * * * * * * * * * * * * * * * * * * * *
⚠ Даведка:
Дзяды — гэта агульная назва продкаў, а таксама сьвята іхнага памінаньня ды ўшанаваньня. У гэтыя дні жывыя запрашаюць у госьці ўжо памерлых сваякоў зь іншасьвету, частуюць іх і просяць, каб яны паспрыялі дабрабыту ў жыцьці.
Восеньскія Дзяды адзначаюць у канцы кастрычніка — пачатку лістападу.
Пасьля памінаньня й частаваньня продкаў у некаторых мясьцінах Беларусі Дзядоў яшчэ весялiлi музыкаю, песьнямі й скокамі.
* * * * * * * * * * * * * * * * * * * * * *
Адмысловы госьць вечарыны — гурт Dainava. З дапамогаю песень пад акампанэмэнт традыцыйных інструмэнтаў ушануем продкаў.
Таксама запросім Дзядоў на вячэру. І, вядома ж, не забудземся павесяліць іх пад гукі дуды!
* * * * * * * * * * * * * * * * * * * * * *
Калі: 30 кастрычніка (аўторак)
пачатак а 19:00
Дзе: г. Менск
кавярня “Грай” (вул. Інтэрнацыянальная, 33)
Уваход вольны
Да сустрэчы!
