«Дзяды. Шанаванне продкаў» 12 лістапада

Абрадавае мерапрыемства «Дзяды. Шанаванне продкаў» – гэта мастацкая рэканструкцыя свята на падставе этнаграфічных звестак. Мерапрыемства распрацавана музейнымі супрацоўнікамі з дапамогай студыі «Варгін».

Асноўная мэта мерапрыемства – адлюстраваць тыя адметныя традыцыі святкавання, якія захаваліся да сённяшніх дзён, і тыя, якія з цягам часу амаль што зніклі. У гэтым годзе дадаткова будзе прадэманстравана палеская традыцыя шанавання продкаў пад час святаў «Дзяды» і «Радаўніца», наглядны паказ якой быў зроблены паводле экспедыцыйных матэрыялаў.

Наведвальнкі мерапрыемства атрымаюць магчымасць:

• убачыць тэатральную пастаноўку «Святочная вячэра»;
• пазнаёміцца з палескай традыцыяй шанавання продкаў;
• пачуць серыю адукацыйных расповедаў пра памінальныя традыцыі беларусаў;
• атрымаць асалоду ад традыцыйнай музыкі і іншае!

У праграме мерапрыемства прымуць удзел фальклорныя гурты г. Мінска: «Талака», «Раме», студыя «Варгін», музычны калектыў «Жвавы карчмар» і іншыя.

Падчас мерапрыемства за дадатковую плату можна:

• набыць сувеніры ад народных майстроў
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Дзяды. Шанаванне продкаў» на тэрыторыі музея!

Кошт квіткоў:

• для дарослых – 5.0 руб.;
• для студэнтаў – 3.5 руб.;
• для дзяцей школьнага ўзросту – 2.5 руб.;

–   для пенсіянераў пры наяўнасці пасведчання – 3.0 руб.;

• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.