Чарговы “Шпацыр па давенным Менску” будзе прысвечаны аднаму з галоўных некропаляў беларускай сталіцы і не толькі.
У нядзелю 18 верасня ў 13-00 (сустрэча ля будынку з надпісам “Вячэрні Мінск” побач з Плошчай Перамогі) кандыдат гістарычных навук Ігар Мельнікаў запрашае ўсіх ахвочых на шпацыр па маршруце Касцёл Святога Роха – Вайсковыя могілкі. Экскурсанты пачуюць цікавыя факты з гісторыі каталіцкай святыні, а таксама даведаюцца пра тое, хто знайшоў свой апошні прытулак на Вайсковых могілках.
Нагадаем, што гэта ўжо трэці “шпацыр па даваенным Менску. Першыя два былі прысведчаны архітэктурнай спадчыне Іосіфа Лангбарда і мінскаму Пушкінскаму вайсковаму гарадку.
