«Экстэрмінацыя»: прэм'ерны паказ і дыскусія ў Вільні
Пачатак: 27.11 (18:00)Беларускі дом
27 лістапада, у суботу, Еўрапейскі гуманітарны ўніверсітэт (ЕГУ) сумесна з Цэнтрам беларускай абшчыны і культуры ў Вільні правядзе прэм’ерны паказ аўдыёвізуальнай інсталяцыі «Экстэрмінацыя» пра Вялікую харальную сінагогу ў Гродне. Аўтар тэкста да інсталяцыі і куратар праекта — Ксенія Шталянкова, лектар Дэпартамента гуманітарных навук і мастацтваў ЕГУ, дактарант па накіраванні «Філасофія», мастак-пастаноўшчык і выканаўчы прадзюсер — Вікторыя Багдановіч, студэнтка чацвёртага курса бакалаўрскай праграмы «Візуальны дызайн».
Дата: 27-га лістапада.
Час: 18.00 (час мясцовы).
Месца: Беларускі дом, Vilniaus g. 20, Вільня.
Вялікая харальная сінагога была заснавана ў Гродне ў XVI стагоддзі, шматразова перабудоўвалася і аднаўлялася пасля разбуральных пажараў, а ў 2007 годзе стала кандыдатам на ўключэнне ў спіс UNESCO World Heritage Site. Аўдыёвізуальная інсталяцыя «Экстэрмінацыя» — гэта маналог пра гісторыю месца і досвед асобнага чалавека ў часе і прасторы, спроба праз эмацыйнае ўспрыманне пракрасціся ў гісторыю, адшукаць праўду і ўхапіць святло.
Падрыхтоўка інсталяцыі ажыццёўлена як складальнік праекта «Захаванне і актуалізацыя былых сінагог у Беларусі для карысці лакальных супольнасцяў» дацэнта Дэпартамента гуманітарных навук і мастацтваў ЕГУ д-ра Сцяпана Стурэйкі. У даследаванні, якое было праведзена да працы над усталёўкай, удзельнічалі студэнты ЕГУ.
Паказ пройдзе на рускай мове з субтытрамі на англійскай.
Мовы публічнай дыскусіі пры ўдзеле аўтараў інсталяцыі Ксеніі Шталенкавай і Вікторыі Багдановіч — беларуская, руская і англійская.
Інсталяцыя будзе прадстаўлена ў рамках месяца інклюзіўнасці ў ЕГУ On-campus Inclusion: Gender, Cultural Diversity, Language of Hate Prevention across Communities. Паказ, а таксама наступная за ім дыскусія, адбудзецца ў гібрыдным фармаце — наведаць імпрэзу можна будзе фізічна ў Беларускім доме па папярэдняй рэгістрацыі, а таксама падключыцца анлайн да Zoom таксама па папярэдняй рэгістрацыі.
Рэгістрацыя адкрыта да 26 лістапада, 12:00 (па Вільні) па спасылцы.
Узроставае абмежаванне: 16+
