Фэст беларускай супольнасці BelFEST у Філадэльфіі

У нядзелю, 8 кастрычніка, Belarus Together і беларусы Філадэльфіі запрашаюць усіх на штогадовы фестываль BelFEST-2023 !

---

Дата: 8 кастрычніка

Час: з 11.00 да 18.00 (час мясцовы)

Месца: 2060 Red Lion Road, Philadelphia

Вас чакае:

Фудкорт з розным смычным стрыт фудам на любы густ (дзеруны таксама будуць)

 Зона майстар-классаў для дарослых 

Вылікая дзіцячая зона з гульнямі і атракцыёнамі Канцэрт і конкурсы

 Прыгожыя зоны адпачынку і фотазоны ў нацыянальным стылі. 

Таксама будзе выстава «Я хачу дадому» арт-групы «Heartbreaking Performance Art Group».

 «Я хачу дадому» — мультымедыйная фотавыстава для тых і пра тых, хто не можа вярнуцца ў родны горад, але дужа жадае (Мінск editon). 

Вы зможаце ў бяспечнай атмасферы крыху адчуць сябе як дома — пачуеце гукі Мінска, паглядзіце на яго вуліцы на фота, паслухаеце аповеды людзей, якія таксама, як вы, мараць вярнуцца дадому, пра тое, як яны зараз бачаць родны горад, і што зробяць, калі абавязкова туды вернуцца. 

Гэтая выстава дапаможа вам з цяплом і прыняццем дакрануцца да заблакаваных перажыванняў і пачуццяў, тут вы будзеце не адны.

 А калі вашыя сябры і блізкія не-беларусы хочуць зразумець, як выглядаў ваш дом — гэта добры шанец распавесьці, паказаць і яшчэ больш зблізіцца з імі. 

І нават можна будзе набыць працы і картачкі, якія спадабаліся.

Уваход на фэст вольны!