З 25 па 27 кастрычніка на Падляшшы пройдзе 29-ы Фестываль бардаўскай і аўтарскай песні «Бардаўская восень».
Дата: 25 і 27 кастрычніка
Івэнты будуць у Гайнаўцы, Беластоку і Бельску Падляскім.
Вось якая сёлета праграма:
25 кастрычніка а 10:00 у Гайнаўцы для вучняў і настаўнікаў II Агульнаадукацыйнага ліцэя з дадатковым навучаннем беларускай мовы адбудуцца:
● творчая сустрэча з літаратарам Уладзімірам Някляевым;
● выступ гурта NAVIBAND
У гэты ж дзень, 25 кастрычніка а 18:00, у Бельску Падляшскім у Доме Культуры вас чакаюць:
● прэзентацыя праекта Уладзіміра Някляева «Без Айчыны» з удзелам Дзмітрыя Дуганава (хэндпан) і Аляксандры Канафальскай (мастацкае відэаафармленне);
● уручэнне Прэміі імя Міхала Анемпадыстава (Беларускі ПЭН);
● гурт VERAMI;
● гурт NAVIBAND.
27 кастрычніка а 18:00 у Беластоку ў Тэатры лялек пройдзе прэзентацыя дакументальнага фільма аўтарства Марка Уладзімірава «Пабыць у тым часе, які мінуў» аб бельскай паэтцы Надзеі Артымовіч, а таксама сустрэча з аўтарам.
Уваход паўсюль вольны.
