Фестываль дакументальнага кіно «1084. На мяжы» ў Кіеве
20.01.2024 - 21.01.2024
18:00 - 20:00
КINO42 (вул. Канстанцінаўская, 11Б)
данаты
З суботы, 20 студзеня, у Кіеве працягнецца фестываль дакументальнага кіно «1084. На мяжы».
Ладзіць яго беларуская грамадская арганізацыя «Звяно».
Дата: 20 і 21 студзеня
Час: 18.00 (час мясцовы)
Месца: КINO42, вул. Канстанцінаўская, 11Б, Кіеў
1084 кіламетры — працягласць агульнай мяжы Беларусі і Украіны. Фэст прадастаўляе гледачам пляцоўку, каб даведацца больш адно пра аднаго і знайсці тое, што нас яднае, запытацца, якімі будуць нашы суседскія стасункі ў будучыні.
20 і 21 студзеня ў Кіеве і з 24 па 26 студзеня ў Тэрнопалі пройдуць заключныя афлайн-паказы беларускіх дакументальных стужак, а таксама будуць арганізаваныя круглыя сталы для абмеркавання балючых пытанняў і адносін паміж двума народамі.
Напрыканцы года паказы фэста адбыліся ўжо ў Адэсе, Бучы і Луцку.
Вось якая праграма:
20 студзеня
«Motherland/Радзіма» (рэж. Ганна Бадзяка, Аляксандр Міхалковіч)
Галоўная гераіня фільма — Святлана. Яе сына знайшлі мёртвым падчас службы ў войску, і цяпер жанчына спрабуе праліць святло на культуру гвалту і здзекаў у беларускім войску.
Паралельна разгортваецца гісторыя групы сяброў з тэхна-андэграўнду прызыўнога ўзросту.
21 студзеня «Беларускі вальс» (рэж. Анджэй Фідык)
Фільм 2007 года, прысвечаны Алесю Пушкіну, пры дапамозе мовы перформансаў паказвае змаганне мастака з таталітарызмам. У гэтай мове шмат гумару і іроніі.
У фільме паказаны блізкія мастака, а таксама сучасная Беларусь, якая шукае сваё месца паміж Усходам і Захадам.
Уваход на паказы -
free donation. Данаты пойдуць на расходнікі для апаратаў вакуумнай тэрапіі ран. Вы таксама можаце заданаціць па
спасылцы.
Поўную праграму фэста глядзіце на
сайце.
