«Ich heiße Frau Troffea»: спектакль-перформанс Сяргея Шабохіна ў Варшаве
18.01.2025 - 23.01.2025
19:00 - 20:00
Nowy Teatr (ul. Madalińskiego 10/16)
50 злотых
18 і 19 студзеня, а таксама 22-га і 23-га, у Новым тэатры зноў граюць рэжысёрскі дэбют беларускага мастака Сяргея Шабохіна «Ich heiße Frau Troffea». У галоўнай ролі — Ігар Шугалееў.
Паглыбляючыся ў гісторыю фрау Трафэі, перформер распавядае пра ўласны досвед траўматычнай апантанасці і няспыннага пошуку свабоды.
За тыдзень да фестывалю Марыі Магдалены ў 1518 годзе фраў Трафэя выйшла з дому і нечакана для сябе пачала шалёна танчыць на адной з вулачак Страсбурга. Яна танцавала ўвесь дзень да позняга вечара, а потым усю ноч. На трэці дзень вар’яцкіх танцаў яна была надзвычай знясіленая, яе чаравікі былі прасякнуты крывёю, але яна не магла спыніцца.
У рэшце рэшт яе заразлівы танец пракаціўся па горадзе і выклікаў танцавальную эпідэмію, якая забрала шмат жыццяў.
Шок ад расстання з домам і мінулым, вымушанай эміграцыі з Беларусі і пошукаў сябе прымушае перформера цалкам растаць у прывабнай рэйв-культуры Берліна. Пад уздзеяннем моцнага стрэсу, выкліканага дызайнерскімі наркотыкамі, ён адчувае новую свабоду зносін і перамяшчэння. Гэта дзеянне, як фізіялагічнае, так і паэтычнае, выяўляе розныя мастацкія вымярэнні.
Праз інтэнсіўную цырымонію цела распавядаецца гісторыя хваробы цэлай краіны і апантаных пошукаў лекаў на волі.
Ідэя, рэжысёр: Сяргей Шабохін
Ідэя, выкананне: Ігар Шугалееў
Харэаграфія: Агнешка Крыст
Музыка: Мікіта Бубашкін
Візуалізацыя: Аляксандра Канончанка
Прадзюсарка: Марына Дашук
Працягласць спектакля — 40 хвілін.
Ідзе ён на беларускай мове з польскімі і ангельскімі субтытрамі.
Квіткі коштам
50 злотых поўны і 35 злотых ільготны можна набыць па
спасылцы.
