10 верасня ў мінскай арт-прасторы «DOGMA» адбудзецца фестываль незалежнай відэатворчасці «HLIADAČ».
Дата: 10 верасня
Час: 14.00
Месца: арт-прастора «DOGMA», вул. Чырвоная, 7 к. 10, Мінск
«HLIADAČ» — гэта фестываль відэатворчасці, галоўная ідэя якога адлюстроўваецца ў назве. Свет мастацтва — гэта дыялог, у якім абодва бакі звязаныя. Ці існуе творчасць без гледача? А глядач без творчасці?
Маладыя аўтары прэзэнтуюць свае працы ў 4 катэгорыях:
— Кароткаметражныя фільмы
— Дакументальныя фільмы
— Кліпы
— Арт-відэа
У межах фестывалю кожны жадаючы зможа паўплываць на развіццё мясцовай творчасці. Вось якім чынам:
— Жывы дыялог з удзельнікамі, чые працы будуць паказаныя на мерапрыемстве
— Галасаванне ў намінацыях па кожнай з катэгорый відэа
— Магчымасць заданаціць творцам
Ніякіх сур’ёзных дзядзечак у журы. Толькі шчырая зацікаўленасць і канэкт паміж людзьмі. Творы з праграмы можна паглядзець у адмысловым тэлеграм-канале.
Ведай і глядзі сваіх!
Уваход — данат любой купюрай.
