Анлайн-прэм’ера фільма "7 шляхоў" пра беларусаў у эміграцыі
Пачатак: 29.10 (20:00)youtube
29 кастрычніка а 20-й гадзіне на ютуб-канале «Еўрарадыё» адбудзецца прэм’ера фільма «7 шляхоў».
Фільм распавядае пра лёсы беларусаў, якія ў розны час вымушана пакінулі Беларусь, але засталіся з ёй сэрцам і думкамі.
Фільм здымаўся камандай «Еўрарадыё» ў 2021 годзе ў Варшаве, Берліне і Кіеве. Іронія лёсу ў тым, што за час стварэння фільма ўлады Беларусі закрылі мінскі карпункт Еўрарадыё, і аўтары фільма самі апынуліся ў статусе мігрантаў.
Героі фільма — людзі рознага ўзросту і прафесій. Ёсць і мігранты са стажам, і тыя, хто выехаў пасля выбараў 2020-га. Што імі рухае цяпер? Пра якую Беларусь яны мараць? Ці плануюць вяртацца? Як рэагуюць на БЧБ-актыўнасць грамадзяне гарадоў, якія «прымаюць»? Адказы на гэтыя пытанні — у фільме «7 шляхоў».
