3 лістапада, у чацвер, у Львове пакажуць дакументальны фільм Аляксея Палуяна «Courage», прысвечаны беларускім пратэстам.
Дата: 3 лістапада
Час: 19.00 (час мясцовы)
Месца: Ніжняя зала Тэатра лялек, плошча Данілы Галіцкага, 1, Львоў
Паказ адбудзецца ў межах кінафестывалю «1084. На мяжы», які ідзе да 6 лістапада ў Львове і Кіеве, а з 9 лістапада будзе анлайн. Ладзіць яго беларуская грамадская арганізацыя «Звяно».
1084 кіламетры — працягласць агульнай мяжы Беларусі і Украіны. Фестываль дакументальнага кіно «1084. На мяжы» прадаставіць гледачам пляцоўку, каб даведацца больш адно пра аднаго і знайсці тое, што нас яднае, запытацца, якімі будуць нашы суседскія стасункі ў будучыні.
Уваход на паказ вольны. Дужа вітаюцца данаты, якія пойдуць на расходнікі для апаратаў вакуумнай тэрапіі ран.