Трэцяга красавіка палацык Канапацкага ў варшаўскім раёне Прага запрашае на танцавальную вечарыну з удзелам беларуска-польскага гурта «Hajda Banda».
Дата: 3 красавіка
Час: 18.00 (час мясцовы)
Месца: палацык Канапацкага, ul. Strzelecka11/13, Варшава
Увесь даход ад канцэрта будзе накіраваны на дзейнасць Аб’яднання памежнай культуры «Folkowisko», якое з пачатку расейскай агрэсіі супраць Украіны вядзе гуманітарную дзейнасць, ратуючы бежанцаў на украінским баку памежнага пераходу Будамір — Грушаў.
«Hajda Banda» — польска-беларускі гурт, які выконвае традыцыйны рэпертуар Падляшша і Заходняй Беларусі. Старадаўнія полькі, абярэкі, куявякі і вальсы з абодвух бакоў Белавежскай пушчы зроблены з юнацкай энергіяй і артыстычнай вытанчанасцю. Гурт быў створаны ў 2021 годзе скрыпачкай Дар’яй Буцкай.
