Фольк-пікнік «Гуканне вясны» пад Кракавам
Пачатак: 12.03 (12:00)Канец: 12.03 (20:00)
прастора Chata Kryspinów
12 сакавіка далучайцеся да вясёлай кампаніі аматараў і аматарак беларускіх песень і традыцый у Кракаве і гукайце вясну!
Дата: 12 сакавіка
Час: 12:00 (час мясцовы)
Месца: прастора Chata Kryspinów, што 13 км ад цэнтра Кракава, на беразе возера Крыспінув.
У нашым распараджэнні будзе:
Паркінг
Месца на вогнішча і дровы
Месца для грыля пад дахам
Туалеты
Дзіцячая пляцоўка
Хата з каміннай заляй
Праграма мерапрыемства:
Збор, распальванне вогнішчаў, прыгатаванне веганскага плову, глінтвейна і зёлкавай гарбаты, варштат па вырабу папяровых птушак
Пачастунак
Абрад гукання вясны, спевы
Танчым разам — беларускія народныя танцы
Музычны джэм/open stage ля вогнішча
Гуканне вясны — гэта імпрэза-ТАЛАКА. Тут няма выканаўцаў і гледачоў — удзельнічаюць УСЕ.
Мы не робім уваход па квітках. Мы просім усіх, хто хоча далучыцца да імпрэзы зрабіць невялікі ўнёсак на арэнду прасторы і базавыя прадукты для пачастунку тут.
Таксама вітаецца прынесці сваю страву на агульны стол і бутэльку/тэтрапак чырвонага віна для глінтвейна.
Для ўдзелу патрэбная рэгістрацыя.
