Напрыканцы тыдня, з 9 па 11 чэрвеня, Нацпарк «Прыпяцкі» зноў ладзіць вялікае фотасафары!
Дата: з 9 па 11 чэрвеня
Месца збору: нацпарк «Прыпяцкі», Гомельская вобл.
У гэтым сезоне новы фармат! Вас чакае вялікая творчая фотатусоўка ў дзікай прыродзе Палесся! Дзясяткі кіламетраў шыкоўных лакацый і фотамадэляў дзікай прыроды Палесся!
Тры дні вы будзеце фотапаляваць за ўнікальнымі кадрамі карчоў, галінак, лісточкаў, павучкоў, звяроў, птушак, жукоў, казачных лясных пейзажаў і аўтэнтычнага Палесся.
Для ўдзелу вам трэба толькі тры рэчы:
мець мабільны тэлефон, фотаапарат ці любую прыладу для фотаздымкі;
аплаціць арганізацыйны збор 25 рублёў + 5 рублёў (эказбор);
наведаць Нацыянальны парк «Прыпяцкі» падчас правядзення конкурсу, зарэгістравацца і зрабіць фатаграфіі.
Вы можаце правесці на конкурсе столькі часу, колькі захочаце. Ад 5 хвілін да 3 дзён.
Будзе 2 катэгорыі ўдзельнікаў, 4 намінацыі, а ў кожнай намінацыі 3 прызавыя месцы. Усяго 24 прызавыя месцы!
Катэгорыі:
фатаграфія
мабільная фатаграфія
Намінацыі:
«Казачны лес»
«Жывая прырода»
«Макра»
«Палешукі. Побыт і традыцыі»
Удзельнічаць можна ва ўсіх адразу! Падаць можна да 5 фатаграфій у кожную намінацыю.
Прапануюць 2 фарматы ўдзелу:
У коле аднадумцаў на турбазе «Хлупінская Буда» (10-11 чэрвеня), дзе будзе некалькі маршрутаў для ўдзелу. Да турбазы будзе трансфер з Ляскавіч, праз Жыткавічы і Тураў.
Самастойнае падарожжа па ўсім Нацыянальным парку «Прыпяцкі» без прывязкі да маршруту (9-11 чэрвеня). А гэта 200000 гектар прыгажосці і дзікай прыроды! І можна ўзяць ровар на пракат!
Увечары 10 чэрвеня ўсіх удзельнікаў запросяць на турыстычную базу «Хлупінская Буда», дзе будзе сяброўская сустрэча, вогнішча і забаўкі.
Падаць заяўку на ўдзел можна да 18:00 11 чэрвеня на e-mail: nptourism@npp.by або ў дырэкт інстаграма нацпарка. Там жа шукайце і дэталі.
А з пытаннечкамі звяртайцеся смела па нумарах +375291250095 ці +375339180733.
Кошт удзелу — 25 рублёў + 5 рублёў эказбору.
