З панядзелка, 2 верасня, ва Уроцлаве працуе фотавыстава Кацярыны Кузьмічовай «BETONIUM».
Дата: з 2 верасня, вернісаж — 4 верасня ў 19.00
Месца: Галерэя сучаснага мастацтва MD_S, ul. Bolesława Chrobrego 24, Уроцлаў
Урачыстае адкрыццё адбудзецца ў сераду, 4 верасня ў 19.00.
BETONIUM — гэта праект, які даследуе сучасную ідэнтычнасць у краінах былога Усходняга блока ў кантэксце архітэктурнай спадчыны — панэльных жылых дамоў.
Ідэя BETONIUM вынікае з зацікаўленасці аўтаркі складанасцю ідэнтычнасці, сфарміраванай у розных ідэалагічных сістэмах і ўрбаністычнай палітыцы, і з’яўляецца спробай зразумець яе ўласны досвед жыцця ў адной з савецкіх рэспублік і любоў/непрыязнасць да блокавай спадчыны.
Куратар — праф. доктар філасофіі Пётр Камароўскі.
Выстава працуе да 15 верасня.
