Фотавыстава Уладзіміра Цвіркі «Сілуэты спадчыны» ў Заслаўі

У суботу, 18 красавіка, у музеі беларускай маляванкі ў Заслаўі адкрываецца фотавыстава Уладзіміра Цвіркі «Сілуэты спадчыны».

Больш чым на 40 работах аўтар паказвае храмы, касцёлы, сядзібныя дамы, палацы, маёнткі, капліцы, замкі і інш.

З неўтаймаваным жаданнем як мага больш зафіксаваць спадар Уладзімір наведаў незлічоную колькасць фальваркаў, вёсачак, былых мястэчак усіх рэгіёнаў краіны: ад поўдня да поўначы і ад захаду на ўсход.

Яго мастацкі погляд убачыў у кожным закутку, кожнай руінавайнай забудове прыгажосць — прыгажосць гісторыі сваёй краіны, людзей, якія стваралі яе, прыгажосць самога аб’екта.

Фотаздымкі — нібы суцэльны аповед пра багацейшую культурную спадчыну Беларусі.


У дзень адкрыцця, 18 красавіка ў 13.30, адбудзецца творчая сустрэча з Уладзімірам Цвіркам.

Падчас сустрэчы даведаецеся:

• Што натхніла аўтара на стварэнне фотапраекта.
•  Колькі год ён займаецца вывучэннем і фіксаваннем помнікаў архітэктуры. \
• Колькі аб’ектаў спадчыны Уладзімір наведаў і сфатаграфаваў.
•  Што самае каштоўнае ў вандроўках па Беларусі.
•  Як скласці маршрут па гістарычных мясцінах.
•  Якая літаратура дапаможа вывучаць спадчыну нашай краіны.
•  Пра містычныя рэчы і незвычайныя калекцыі спадара Уладзіміра.
•  І што робіць міні-вятрак на падворку яго сядзібы.