Да Міжнароднага дня роднай мовы Мінскі гадзіннікавы завод і Нацыянальная бібліятэка Беларусі прэзентуюць выставу «Гадзіна мовы», дзе ўпершыню прадстаўлены сем мадэляў гадзіннікаў лімітаванай калекцыі «Мова», выпушчаныя ў 2019–2022 гг.
Дата: 21 лютага
Час: 16.00
Месца: Нацыянальная бібліятэка Беларусі (пам. 347), пр-т Незалежнасці, 116, Мінск
Апошнія рэлізы калекцыі прысвечаны народнаму паэту Беларусі — Пімену Панчанку з нагоды 105-годдзя з дня яго нараджэння. За аснову дызайну Мінскі гадзіннікавы завод узяў першы зборнік вершаў паэта — «Упэўненасць» 1938 г., у якім усхваляецца хараство і багацце роднай зямлі.
На адкрыцці выставы будуць прысутнічаць унучка Пімена Панчанкі — Кацярына Андрэеўна Панчанка, а таксама дызайнеры і аўтары калекцыі «Мова» з Мінскага гадзіннікавага завода.
Уваход на адкрыццё — вольны, у іншыя дні ўваход — па чытацкім білеце або білеце сацыякультурнага цэнтра.
Экспазіцыя будзе працаваць у Музеі кнігі (пам. 347) Нацыянальнай бібліятэкі да 21 сакавіка.
